Às dèidh sia bliadhna air falbh bho Gheamannan nan Eilean, tha Kara Hanlon gu bhith air ais a' farpais do sgioba WIIGA ann an Arcaibh.
Tha i a' coimhead air adhart ri snàmh fo bhratach nan Eilean Siar 'son ma dh'fhaoidte an turas mu dheireadh.
Bha deagh oidhche aig na Hearaich Dihaoine is iad a' soirbheachadh 3-1 an aghaidh Nis.
Dh'fhàg sin luchd-taic na Hearadh air an dòigh, a dh'aindeoin cho robach 's a bha an t-sìde.
Nam measg bha Anna NicRath is Coinneach MacRath.
Tha luaidh ga dhèanamh air Diogo Jota, an cluicheadair aig Liverpool, agus a bhràthair André Silva, a chaochail ann an tubaist rathaid san Spàinn Diardaoin.
Thèid an tiodhlacadh ann am Portagail Disathairne.
Tha Calum Caimbeul a' leantainn Liverpool is e ag ràdh gur e call uabhasach a tha seo.
Bha fìor dheagh oidhche aig a' Bhac is iad air a' chùis a dhèanamh air Càrlabhagh 4-1.
Tha na Bacaich aig mullach na lìge - ach tha gnothaichean gu math teann.
Tùs an deilbh, ICTThuirt Daibhidh Wotherspoon gu bheil e air "a dhòigh a bhith air ais" às dèidh dha ainm a chur ri cùmhnant le Caley Thistle.
Tha Wotherspoon, 35, air cùmhnant bliadhna aontachadh.
Chuir e trì mìosan seachad aig ICT aig deireadh 2023 às dèidh dha St Johnstone fhàgail.
Chaidh e bho Inbhir Nis gu Dundee United agus an uairsin Dùn Phàrlain.
"Bha amannan fìor mhath agam an seo roimhe, fiù 's ged nach robh mi ann ach trì mìosan", thuirt Wotherspoon.
"'S aithne dhomh am manaidsear is Billy MacAoidh is tha mi toilichte gu bhith ag obair còmhla riutha a-rithist", thuirt e.
