ફ્રાન્સ અને સ્પેનમાં આગ : ત્રણ લાખથી વધુ લોકોએ છોડ્યું ઘર, જુઓ 10 તસવીરો

દક્ષિણ-પશ્ચિમ ફ્રાન્સમાં લાગેલી જંગલની આગને કાબુમાં લેવા માટે અગ્નિશામક દળો સતત પ્રયત્ન કરી રહ્યાં છે.

બીજી તરફ સ્પેનમાં પણ આગના કારણે સ્થિતિ ગંભીર બની ગઈ છે. બંને દેશોની સેના અને ફાયર વિભાગ આગ પર કાબૂ મેળવવા માટે સતત પ્રયાસ કરી રહ્યા છે.

દક્ષિણપશ્ચિમ ફ્રાન્સમાં જંગલમાં લાગેલી ભીષણ આગ કાબુ બહાર જઈ રહી છે.

આગના ઝડપથી ફેલાવાને કારણે અધિકારીઓને મોટા પાયે લોકોને સ્થળાંતર કરવાની ફરજ પડી છે.

રવિવારે રાત્રે જ એક વિસ્તારમાંથી લગભગ 55,000 લોકોને સ્થળાંતરિત કરવામાં આવ્યા હતા. અત્યાર સુધીમાં, સમગ્ર પ્રદેશમાં લગભગ 250,000 લોકોને તેમનાં ઘર છોડવાની ફરજ પડી છે.

એક અધિકારીએ જણાવ્યું હતું કે તેઓ "હજુ પણ તેઓ આગને કાબુમાં લેવાથી ઘણા દૂર છે."

ફ્રાન્સ અને સ્પેનમાં ત્રણ લાખથી વધુ લોકો કેટલાય દિવસથી લાગેલી આ આગથી બચવા માટે ભાગી ગયા છે.

ઝડપી પવનો અને ઊંચા તાપમાનને કારણે આગને કાબુમાં લેવાના પ્રયાસોમાં અવરોધ આવે છે.

સ્પેનમાં, જ્યાં કટોકટીની સ્થિતિ જાહેર કરવામાં આવી છે, હવામાનની સ્થિતિમાં ફેરફારથી મેડ્રિડની બહાર અગ્નિશામક દળોને આંશિક મદદ મળી છે.

સ્પેનિશ પીએમ પેડ્રો સાંચેઝે સ્વીકાર્યું કે "આગળ જટિલ સમય આવશે". દરમિયાન, વેલેન્સિયાના અધિકારીઓએ આગમાં એક વ્યક્તિના મૃત્યુની પુષ્ટિ કરી.

ફ્રાન્સમાં, શનિવારે મોડી રાત્રે વધુ 55,000 લોકોને સ્થળાંતર કરવાનો આદેશ આપવામાં આવ્યો હતો, જેના કારણે ગિરોન્ડે અને લેન્ડેસના દક્ષિણ-પશ્ચિમમાં કુલ અઢી લાખથી વધુ લોકો સ્થળાંતર કરી શક્યા હતા.

બીબીસી માટે કલેક્ટિવ ન્યૂઝરૂમનું પ્રકાશન